|| عيب تبكي لو سمحت || ؟

|| عيب تبكي لو سمحت ||

.

صعب لامنك فشلت وصعب لامنك لقيت
ان من يكره نجاحك يدري انك مانجحت

أمس ضقت ورحت أقلب ذكرياتي وانتهيت
عند صورة طفل صوته مثل صوتي لاانجرحت

وش مثل لاوالله الاهذا أنا يوم ابتديت
أنطق حروف تلعثم في لساني لاانمدحت

هذا أنا يوم الحياة بنظرتي عشرين بيت
ومسجدين ومدرسه من طين كم فيها اصطبحت

هذا أنا وأصبحت أتمتم هذا أنا حتى بغيت
أختنق بس القدر عيا على موتي وطحت

وصاح صوت الطفل فيني انت من وين ارتميت
قلت أنا المستقبل اللي فيه كم همت وطمحت

أمس كنت أبيك تكبر بس والله لودريت
اني اللي عشت لجله مت عندك واسترحت

لودريت ان الزمان يجر رجلي ماعديت
ولودريت ان البحور بلا مواني ماسبحت

كان دربك لي طويل وكل ماشفتك هويت
قلت لك كبوة جواد وماكبيت الا وجمحت

ليه تسمعني وتمشي؟؟..آآآآآه ليتك مامشيت
وآه ليتك من كثر عثرات الأيام انتصحت

ضاعت أحلامي وظل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس أعرفك لو مسحت الدمع تبقى ماانمسحت

كان حلمي في وجود انسان يبكي لابكيت
وصارحلمي في وجودانسان يفرح لافرحت

كنت أشوف الناس مثلي كل ماجعت وضميت
مادريت ان الأوادم ناس فوق وناس تحت

آآآآه يااول ذكرياتي خذني بحضنك نسيت
لسألك عن وجه أبوي اللي معه ياماسرحت

وخذني بحضنك أبغفى ياااه مبطي ماغفيت
وان لمحت دموع عيني سو نفسك مالمحت

خذني بحضنك وبعثر في جروحي وان قضيت
هزلي كتفي وقل لي(عيب تبكي لو سمحت)

اضحك وعلم زماني من أنا من وين جيت
طق باب الحزن واصرخ في لامني فتحت

وضمني يمك وكمل ضحكتك لامن بكيت
ودي أذكركيف كانت ضحكتي لامن فرحت..

يسلمووووووا كلماااااات رااااائعة

تقبلي مروووووري.....

مرررررررهـ رووعه يالغلاا

تسلمي قلبووو

شـــااااكــرهـ تــواجــدكــم الــذي أنــاااار متصفحي

» مهما حدث فلا تبكي :ابتسم..ودع الدنيا تبكي
» قصة تبكي من لاقلب له
» يا قاتلي لا تبكي على موتي،،،،،،
» ما هو شعوورك عندما ترى امك تبكي ؟؟
» فهد ونوره قصه حب جداً تبكي ((مؤثره ))